علم ويش 170 غناوة وشتاوة من التراث الليبي

1.الدمع ما يطفي نار أمغير ذنب ويزيد فالوجع
2. امفيت من ادفن بتراب ألا جميع من غايب إيجي
3. حتى لو أنصفي شيب وراء قديم عمري بايعه
4. انحايل أبها عالعين قولة ايجو نين غمضت
5. ارقدن حاملات بلاه خطر عزيز وعاهن بكن
6. الهدب مامسكلي دمع اعزاز وين جينا لدارهم
7. العقل غير عزما زين الوقت فيه موداير اشوي
8. كماه ذيبله رداه أجحده صاف شاكابه أوحل
9. جفاني عزيز وجاب لروحه جفا يانويرتي
10. عليه رقرقن لعيون عزيزا وين مواله خطر
11. العقل وألهنا والنوم قرعة عزيز والنار قرعتي
12. الليل اقسميه ثلاث علي أوعليك اوعالقدم
13. يكساها ضباب اتحوس العين وين لوهامك اتجي
14. هيالها عزيز أيتوق العين عالمواهيم رابطه
15. الليل فالنهار أقرنت العين في امواهيم القدم
16. اللي مومنام اهلوب مالبخت في طريقي دارهم
17. فالدوج والخلا والنوم غيابها عليها يخطروا
18. في المآقي عقاب نضيح كباتة عزا فيه وأنعمت
19. حتى لو تموتي موت كلا قديم مو عاد جايك
20. خليك في رجا مولاك ربك كريم يا عين اصبري
21. اعزاز في رجاهم شبت حسايف ولا صار قسمهم
22. مريض والطبيب خصيم كمل جضيض ما والي شغل
23. مكتوب يا العين عليك أتغالي عرب ويفارقوا
24. عزيز وين ماننسوه اتجي العين فالعين نوحلوا
25. شديد عزم فالتوديع العقل مابكا نين باعدوا
26. العين صبرها تموه بلا عزيز ماعاد حامله
27. ما يموت نين أنموت سطار جرح داروه القدم
28. عليما بكيت احذاه عزيز ماجبرلي خاطري (عقيلة)
29. عليما بكيت احذاه شديد عزم ما بيت نشغله(عبدالكا)
30. أبكاك في خلا لوهام يقطع الواك يا عين اسكتي
31. اعزاز ما عليهم لوم ببكاك فا لخلا مايندروا
32. الصبر جربوه أيام لقيوه خير يا عين مالبكا
33. أنجاه نوم جاه منام يسمر امعاه ياما ايجيبلا
34. اعزاز ظالمين العقل يملوه عيب وايجوا يعاتبوا
35. من يوم يا عزيز خطاك تبكي العين ما كف دمعها
36. ايبكن اللي حمال ايجن أوقات الأيام يضلمن
37. العين من رغبها فيك نين كادها رمش هذبها
38. جميع ما زرعتا صاف بختي عطيب يا ناس في الغلا
39. جميع ما العين أبذرت مواجع نبت يانويرتي
40. شكيت للقدم مالنار جروني وجابوني الها
41. أمسوقر غلا ونقول مكبر وخيذتي فيه لولي
42. كل شي فيد الله يقسم جديد والله لولي
43. امفيت يالياس أنموت مني غلاي مانك وآخذه
44. من كثر يا عزيز غلاك تظلم أندير روحي ظالمك
45. كمين نار ضاق العقل حمال غير فالتالي بكى
46. سماحه الغلا تلذيع واسمور ليل وابكا وقطمره
47. اعزاز ما يجيبوا علم نبكي أوقات من شوقي الهم
48. رماني عليك أرياف مجبور جبر يا دار جايك
49. اينوس خاطري امهيوس من ياس ناس كانوله ونس
50. غفيتي عليك اخطروا خلط النوم يا عين عالبكا
51. العقل ما عطوه أحقوق أصحاب الغلا ضالمينه
52. العقل يا عزيز امعاك حتى اوهن مسافات بينا
53. أتفارق امعاه الروح عزيز كان يا عين فارقك
54. دابين فيا روح ننسى عزيز لاما نديرها
55. قديم يا العين أظلمك خلاك في أوهام أو سيبك
56. عا الكبد نازلين أبثقل اعزاز نين في دمي جروا
57. في ارمام ايش انديرلهن مازال قديم امشو كلهن
58. ابكي يا عيني بريافك حوسي نين ايجوك اولافك
59. حتى والجديد احذاي مسروق ركن عيني للقدم
60. اللي من أيديك أتضيع تصعب عليك يبال الغلا
61. حتى لو جديد أتدير لوعه أقدم موحال تنتسى
62. أمغير من أمواجع وقت ابكاي موغلا فيك ياابكا
63. خذن عزيز مني غدر الأقسام لارجن لاشاورن
64. سميت ياقديم عليك بكري ضناي من خوف تنتسى
65. لقسام صوقرلي دار وهلبن دار مو هاينه علي
66. الشوق يا لعين الغبك قداما وجابك للقدم
67. غفيت روحوا لولاف منام ليل ياريت طولوا
68. عزيز هو رفيق العمر بيقصر أيطول مايوم ينتسى
69. العين بالدموع أتسيل تبكي اتقول يانا باعدوا
70. أبكاكن عذاب وذنب علي قبديم طاريه منقطع 
71. عديت بالغلا يا عمر أتسوق فيه ماصاد يلتفت
72. قديم ضاع فيه القسم علي جديد يا عين عولي
73. حالف الياس أيمين فالعقل ماشريك أيشاركه
74. خلي الجرح بلي فيه عليش يا مداوي ترتجف
75. امرضي بالبكا داويت أبريت ولبكا تمالي مرض
76. أمطرت بالجديد اليوم فكت اجداب صوبي لولي
77. تهايوا للعين منا قيض بكت عامين وعام جضيض
78. كان غبت نوحل فيك وان جيت للموا هيم نظلمك
79. الليل ولبكا والنوم ألهن اعزوم ماعاد عندنا
80. حرام كان جاها نوم بعد عزيز ديما حايسه
81. اعلمن اليوم دارن يوم غاليهن أمغالي غيرهن
82. نطاير أبها فالنوم جثامه القديمين واعره
83. من دون يا العين الناس لقسام ليش فيا يظلمن
84. خلاهن عزيز رماد أمغير فيش يا نار كا بره
85. النوم حرموه اعزاز انجانا ايجونا فاولا
86. تميت ياعزيز خيال حزاز بين عيني اونومها
87. النار في قصيل العقل اطلق عزيز والناس غافله
88. بربع ارياح شاطت فيه قصيل خاطري نين كملت
89. انرايف عليه النوم انخاف من قديمين يخطروا
90. تقاوت امعا الريح القيت النار فيا او فالذرا
91. خلوني بلاك اعزاز الها الوقت يانوم فاقدك
92. العقل ما جديد نهاه يبكي ابغيث مازال عالقدم
93. مسكين خاطري ظلموه حطوه في خطا مو دايره
94. ماليل اومالنار اومنكم ضاقت ماتخطوني كنكم
95. جميع من عليك ايغلا يبقالك سبب في بكيتك
96. بلاكم رقيق اعزوم نالقانكم دوانا ياقدم 
97. متباعد عليك عزيز حطي الكيد ياعين عالبكا
98. اتريد عزم وامعاناه تخطيمتي علي دار القدم
99. خلاهن الياس اشهوه ايام الزها في دنيتي
100. اقسمت ليلها ليلين العين وين غاليها خطر
101. كان متت يدفنوني فيك وصيت هلي يادار القدم
102. دابين جرتا فالارض رحيل القديمين يلتقا
000_اتقول ماشوا عالارض جرة رحيلهم مالقيتا
103. مدردر عليه الوقت العقل لاذرا لاتقى
104. يستاهل أدعا في فجر قديم غير مو هاين علي
105. اللي سايره فالعقل منمن أنقول والمن أنقولها
106. إيجيكم وأنا ناهيه أوحلت فيه عقلي ياقدم
107. أبكاك ما يجيب عزيز أمغير يا ضليله تنعمي
108. أطلق سبيلنا لله فينا خذيت يا ياس غايتك
109. في لولاف العقل ايداجي لو قادر يهلب لا يراجي
110. ثقيلة وما تنشال نسوة قديم مي ساهله
111. اعزاز في عين العقل ايجو منام وايجوا امخايله
112. ننسوه ولبقا لله قديم مو علي باب رزقنا
113. لآني عزم ولآني حيل ننوي دار ونطيح دونها
114. غلاك هودوا لنظار اصحى أتغيب راني ننعمي
115. ضلمت خاطري ياوقت باعدت ناس عيني أتريدهم
116. القسم شين كي ينويك ياخذ غلاك ما يجي أيشاورك
117. رخيتهم وهم في ليد شهيت صوبهم وين باعدوااا
118. اللي مو موالف صبر يبقى رقيق عزما فالغلا
119. تشميع لاشرا لابيع بعد عزيز يا سوق الغلا
120. بكيت ياقديم عليك انشد الدار والليل يشهدن
121. نرجاك نين يفنى العمر بعد غلاك مو لازم غلا
122. يا العين داجي الدمع أكثر الغيض مازال لا ورا
123. غلا قديم عشرة عمر لو كان عام عامين ينتسى
124. مكيون غير داير عزم هشيمه مخليني الغلا
125. اجدابك عليك أقرنن بعد ربيع يا دار القدم
126. جميع ما أيبكي ريت غفت العين ياريت ما غفت
127. نستانس الهم بمان غر الزمان غروبي أقدم
128. مشيت لا نضر لاحيل تلميس نين طقيت دارهم
129. كفيف في كفيف أيقود تلميس فالمواهيم نخبروا
130. خلالي عزيز أوهام من غير وعي نمشي شورهن
131. متضايق ملاج وعلم برام مو مرض نين يشغلك
132. زريت خاطري ع العزم ينسى قديم مآبا أيديرها
133. وين دفنت الياس وهمه نطوا خوت الياس من أمه
134. مريض فالخفا يا عقل بريان غير قدام العرب
135. أدير ما أدير غريب زمان تنقرض فيه تنقرض
136. سبل غلاي قالوا مات قطارا شلا قال عيطوا
137. بالله مارقادت ريح ننسوا قديم ويجي أصدافنا
138. من هذى يا عزيز أنخاف نآخذ عليك مني توتخذ
139. يطيب جرح ينقض جرح مليت يامداوي عاذرك
140. ببكاك تشغلي فالطرش يابال اللي فيك يسمعوا
141. عزيز منقطع طاريه حتى منام في استخسره
142. أنشيل ركن يرخي ركن قطع لواي خراب الغلا
143. خايف عقاب العمر ببيكمل املاقطا دون دارهم
144. تباوع امعاه الياس الفاهق اللي فيه النجا
145. الوقت باعني للياس بوالياس ماشرا نين باعني
146. بعروقه لوا عالكبد غلا عزيز مآبا ينقطع
147. يجيب نقل كنهوا زام رعد العين مازال مادوا
148. وقضوا لا عليه اقدعوا حلوا ضما يدا سال جرحهم
149. غلاك ناقشه فالقلب ننساه كيف يا غالي علي
150. عليما نضرت أوحلت يملو العين مالقيت كيفهم
151. الكبد في رحات الوقت يبرم الياس فيها عالمهل
152. كان فيهم اعزاز نصيب بياسهم ايجو ني دودشه
153. حطيت ياقديم أيديك وراك وين مديت لك أيدي
154. أقسمت ليلها ليلين العين وين غاليها خطر
155. اللي من أيديك أتضيع تصعب عليك يابال الغلا
156. حلامه أتجيب عزيز أتريد نوم والنوم وينهوا
157. سريبي نا والليل طويل الغفوة تمت فيه قليل
158. غلاكم نحسابوه أيام طلع عام أيطارح في عام
159. يجارن وهو جراي سبق الياس لقسام ع الغلا
160. العقل كارهك يا ليل بلا عزيز ما يريدك اتجي
161. لا قيلك أوهام قديم اتحوسي انعديبك ألهن
162. قديم شاطبين عليه لنا زمان في طاري الجدد
163. وزاني ونا اموازيه غلا عزيز ما كيفا غلا
164. بالك أتسير أقسام يا مراجى ونا قول يا الله
165. أمغير نتقوا بعزوم ألا الوقت لآوي واجدا
166. سماء العين أغيوم أو برق يداون ارعودا لاورا
167. بعداسمور ومراجاه عليك قسم تما الغيرنا 
168. القسم علم غيب ارجاه واللى عليك فالصوب ديرها
169. حسايف شقاواوهام ملطوط عمرنا يالضايعه 
170. مانريدك اتضيع وضعت عازيت فيك واجد يا غلا