قصه تحمل من العبره ماتحمل استمعو اليها
يا محبين قصص التراث
قالو في شيخ نجع شيخ عاقل عطاه الله من عقل ماعطاه لاكن شيخ النجع ماعندش عويل بيش يورثو المشيخه عنه المهم قالو اكبر واغلب اويبي ايعاطي المشيخه لاحد يستحقها لاكن لايعلم من هو كفيلا بها قال يااهل النجع اللي ايحل اللغز هضا يقعد شيخ هالنجع اوهو عاقلته اويسمعو كلامه
قالوله شنو لغزك
قاللهم لغزي في ثلاث
وين عزتك
وين جاهك
وين عدوك
اللي ايحلهن لي هن الثلاث ياخذ الشوخه
تمت العرب اتجيه اتقوله وايقوللهم غلط مافيش حد حل اللغز الا واحد هو الوحيد ماجاش
قالو العاقب هضا جا فالليل اوخضا انطوع (جلد شاه) اولبسهن ابجرد اوموه الجرد كانه قتيل جا للوليته فاليل قاللها ياافلانه راني قتلت واحد ع المعطن موش من النجع اونبي انواروه قالتله دونك احفر اوتوه انحطوه في قبره قبل لا يوقضلنه حد اودفنوه ياسيدي الوليه تسحابه راجل صحيح الميت والراجل داير بلعاني فيها المهم قاللها ردي بالك اتقوليها الحد قالت اهناك وحده اتبلغ علي راجلها واتجره للحبل المشنقه قاللها صحيح مااهناكش
عموما جا الراجل بعد اسبوع للشيخ النجع اوقال ياشيخ نا بنحل لغزك هضا اوجا هو اوليته الراجل اوهل النجع حاضرين قاله مافيش باس الشيخ تفضل :
1. وين عزتك - _ قال الراجل اهي اوعونه البندقته االي ماسكها
قاله صحيح
2. وين جاهك - _قاله اهو اولاوينه حاط امعاه كيس ذهب
قاله صحيح
3. وين عدوك - _ التفت لاوره اوقال اهيه اشر شور وليته هنا الفاجعه انفجعت الوليه اوقالتله اتفووه عليك اوعلي وجهك ياسيدي افلان راهو راجلي قتل واحد علي امعطن وادفنه جنب البيت انفجعو هل النجع اوشيخهم اوعدت دلتهم للقبر وين ماطلعو الجرد لاوينه فيه امغير انطوع خاطيه مافيه بصيره
قاله شيخ النجع انتا هو الشيخ اوحليت الغز كلها
#الخلاصه:
مقيوله من قبل رد بالك اتعاطي سرك للوليه مهما كانت راهو اي عركة ينقلب السر للفضيحه ..!
يا محبين قصص التراث
قالو في شيخ نجع شيخ عاقل عطاه الله من عقل ماعطاه لاكن شيخ النجع ماعندش عويل بيش يورثو المشيخه عنه المهم قالو اكبر واغلب اويبي ايعاطي المشيخه لاحد يستحقها لاكن لايعلم من هو كفيلا بها قال يااهل النجع اللي ايحل اللغز هضا يقعد شيخ هالنجع اوهو عاقلته اويسمعو كلامه
قالوله شنو لغزك
قاللهم لغزي في ثلاث
وين عزتك
وين جاهك
وين عدوك
اللي ايحلهن لي هن الثلاث ياخذ الشوخه
تمت العرب اتجيه اتقوله وايقوللهم غلط مافيش حد حل اللغز الا واحد هو الوحيد ماجاش
قالو العاقب هضا جا فالليل اوخضا انطوع (جلد شاه) اولبسهن ابجرد اوموه الجرد كانه قتيل جا للوليته فاليل قاللها ياافلانه راني قتلت واحد ع المعطن موش من النجع اونبي انواروه قالتله دونك احفر اوتوه انحطوه في قبره قبل لا يوقضلنه حد اودفنوه ياسيدي الوليه تسحابه راجل صحيح الميت والراجل داير بلعاني فيها المهم قاللها ردي بالك اتقوليها الحد قالت اهناك وحده اتبلغ علي راجلها واتجره للحبل المشنقه قاللها صحيح مااهناكش
عموما جا الراجل بعد اسبوع للشيخ النجع اوقال ياشيخ نا بنحل لغزك هضا اوجا هو اوليته الراجل اوهل النجع حاضرين قاله مافيش باس الشيخ تفضل :
1. وين عزتك - _ قال الراجل اهي اوعونه البندقته االي ماسكها
قاله صحيح
2. وين جاهك - _قاله اهو اولاوينه حاط امعاه كيس ذهب
قاله صحيح
3. وين عدوك - _ التفت لاوره اوقال اهيه اشر شور وليته هنا الفاجعه انفجعت الوليه اوقالتله اتفووه عليك اوعلي وجهك ياسيدي افلان راهو راجلي قتل واحد علي امعطن وادفنه جنب البيت انفجعو هل النجع اوشيخهم اوعدت دلتهم للقبر وين ماطلعو الجرد لاوينه فيه امغير انطوع خاطيه مافيه بصيره
قاله شيخ النجع انتا هو الشيخ اوحليت الغز كلها
#الخلاصه:
مقيوله من قبل رد بالك اتعاطي سرك للوليه مهما كانت راهو اي عركة ينقلب السر للفضيحه ..!
إرسال تعليق
(مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ)