الشاعر الراحل أدريس العر البريقه

الشاعر الراحل أدريس العر البريقه

ياعزيز ابذرني..
سديت وانت في كاف الرجا طامرني ..
را العمر عدا ..!!
ياعزيز ارميني ..
وسكت محاريثك بها واريني
حتي ونا شط التعب راميني
ومايل علي الوقت مستقصرني
وخفْن حبتي لجداب واتلطويني
وياس ابرقادت ريح متصدرني ..
و راني زكاه انكنت مستشويني
ان جاد مارسك ننبت وتستكثرني ..!!

دير ادباره ..
و أرميني ابها قبل الثرا ايتواره
راه طولت الخزين اديرلي نصفاره
والله السوس في بطن الوطا يطقرني ..
ننقص فالثمن من بارتين الباره
ولوني يتغير للخلا تدفرني
وانكنت هذي ناوي ياكحيل انظاره ..
للنمل والوطا وطيورها بعثرني
لا اتحطني في اشوال لا في اغراره
لا نحجرك في كاف لاتحجرني

حرك روحك
وأرميني علي دفوت اشموس بلوحك
وخلي علي يجارا شراب اميوحك
جروت غلاك اللي امغير قهرني
وانما اتريدني ماانريد غير سموحك
الساعه سماي المجدبا تمطرني
ويداون امعا طولت رجاك اجروحك
وننسا أني داير غلا خسرني

هيا عول
على بذرتى راهو خزينى طول
وانكالك غرض ثانى وناء متقول
فى حبتى مى باهيا ميرنى
والله اثمان قسمنى علل المتسول
والله يرزقك غيرى وناء ياجرنى..!!