قصيدة رائعة تحتوي على حكم للشاعر التائب أبو ياسين التي

ومن القصائد الرائعة التي تحتوي على حكم ، وتعدُّ درساً من دروس الحياة السامية ، قصيدة الشاعر التائب أبو ياسين التي تقول :

خلها تجي ع اللومه	النفس دولها
إن ما دلتها تشقيك ، راها شومه
علي شي واجد ، ردها وانزرها	النفس أحجرها
ورجلك علي باب الفساد اقصرها
والصاحب اللِّي لايم عليك تلومه
وكيف تلفظ الكلمة وما تقدرها
تسير زالَّه ، والزَّاله معدومه
وراه الجديد بنورته للشرهه
وكيف تبهته في البيع يشوي سومه
وراه الريح ما تهمد إلا بمطرها
وراه العين ما تنظر وهي مغمومه
واللِّي تنكسر تشقيك وتجبرها
واللِّي تريح تتركها بغير خصومه
واللِّي نصّب الهرجه وخشّ بحرها
يجنَّه أوقات يودَّره ديمومه
وفيه ناس فتانة قصير نظرها
تفرتك العصبه اللِّي ملمومه
ياما عزل ما من أصحاب خبرها
وياما ثوى ما من جيوش حكومه
نار شايطه يندم اللِّي كابرها
يوم القيامة صيفته مصدومه
إن ما دلتها ، تزكي عليك تكيدك		خلَّى رسنها فيدك
تجيب الخصم بينك وبين أوليدك
تقول انفره ، لكن القلب يرومه
والخايب إن عاديته يصير ضديدك
وهو ما يخيب مفيت ينظر قومه
ونلقان يقهرك واجد غلاب نديدك
اللِّي عمركم واحد ، وصمت بصومه
وما تحك لك شي يدّ لذّ من ايدك
واللِّي ما تحرَّكها ما تجي متمومه
وتسري أسري وقتاً الزور يصيدك
في ليل ما هن تايقات نجومه
وسرّك إن قلته في الرجوع يكيدك
واللِّي تبذره يصعب عليك المومه
واللِّي تكرهه عنه تقصّر قيدك
واللِّي ترافقه تعرف سوايس نومه
كل يوم في ممشى جديد اتبَّع		النفس ما تتَّبَّع
راه من يتبَّعها يجي متهبَّع
يندم ، يحطّ أيده علي خرطومه
وفيه ناس لا كبرت بنار تطبّع
وتملأ قرون الراس غير حجومه
تحسابه ضرر يبري منين يسبِّع
وهو كبر ، وَمَهَشِّم نصيب قرومه