خرافة ..الليلة
...قآلو كان فيه راجل طيب
وراقد ريح وحال
عطيب وعلي باب..الله قعد يبرم
ويدهور
بين النواجع ايدور علي شغل
يسترزق منه أشوي يوم من الأيام
جابله الله راجل شيخ.نجع
وبرزقه وماعند حاله سو
وهالراجل هضا يكسب
مالابل ايجي 100 ناقه الغنم
ايجي 700 شاه وعنده مالضنا
غير ابنيه وولد والبنيه اكبر من
الولد المهم عد شيخ..النجع نشد
الراجل وقاله ياك لاحر لاشر ياك
مانك امودر شي الباين عليك
امرهدنك السفر وخيالك شين..؟!
قاله الفقير والله ياوجة.الخير
نابيدي راجل علي باب الله وقاعد
ندهور بين هالنواجع بالك
انحصل شي ارعوه واللا شي
شغلانه نسترزق منها علي حالي
قاله شيخ.النجع تكرام ايش
رايك ترعالي ابلي واغلمي
وعندك علي كل سنة..راس من
الابل وخمس شواهي ونبنيلك عشه وتقعد
فيها الفقير قاله اموافق
المهم عدي يازمان وروح
يازمان راقد الريح هذا دار
منتوج سمح من هالراجل
الطيب وجاه وقاله ياسيدي
انريدك تقسملي حصتي من
رزقك انريد انبطل وانعاود
لهلي قسمو الرزق وروح
الراجل لهله وبعدهآ بااسنين
توفا شيخ.النجع واقعدة غير
البنت والولد والرزق
اطرطش وتمت هذيك الخير
والنياق في خبر كان
وماقعد عندهم غير ناقتين ايحملو
عليهن دبشهم وتمو يجولو بين
النواجع نين طاحو في نجع
عرب متريحه وماعند حالها سو
وشيخ.النجع راجل طيب وكريم
رحب بيهم وقاللهم تفظلو ابنو
عشتكم في طرف النجع
والشيخ هذا هو نفسه الرعي
اللي كان يرعا عندهم زمان
البنت اعرفت الراجل بس هو
ماعرفهمش لانهم كابرين
ومتغيرين ؟! المهم بنو العشه
في طرف النجع فوق من ريح
بيت الشيخ وعدا العيل قعد
يرعا مع الرعويه
والبنت اجبدت الرحا في هذك
الليل واقعدت اتهاجي وكان
الجو امسكت وفيه نسمة ريح
بسيطه تهاجي وتقول !
{الايام كيف اول شهر...
قمره وظلمه عقابه..العن بوه
من يظمن الدهر...بعد الانبيه
والصحابه...رعيانه في زمن قبل
معالمينه في عقابه }!؟
سمعها شيخ.النجع وجاها
يجري مسك الرحا من يدها
وقاللها الله يربحك عرفي علي
روحك راك شغلتيني بالكلام
قالتله أنا افلانه بنت فلان
اللي سعتآ رعيت عليه وحكتله
ع حالتهم وشن صار فيهم وكيف
مو علي هالحال
قاللها الليلة ليل والصباح رباح
اصبح الصبح وكلم الرعويه
جابو الرزق كله قدام بيت
الشيخ والتمت عرب النجع بما
فيهم البنت.والعيل خش
الشيخ في وسط الرزق
واقسمه اثنين وقاللهم هذا
لي وهذا لكم
وأنتي ياافلانه معد اتشظي
رحاه ولاخوك يرعا
دابيني حي!؟
وردلهم رزقهم وتمو حالتهم
سمحه كيف قبل كيف تالي
( دير الخير تالقاه)
...قآلو كان فيه راجل طيب
وراقد ريح وحال
عطيب وعلي باب..الله قعد يبرم
ويدهور
بين النواجع ايدور علي شغل
يسترزق منه أشوي يوم من الأيام
جابله الله راجل شيخ.نجع
وبرزقه وماعند حاله سو
وهالراجل هضا يكسب
مالابل ايجي 100 ناقه الغنم
ايجي 700 شاه وعنده مالضنا
غير ابنيه وولد والبنيه اكبر من
الولد المهم عد شيخ..النجع نشد
الراجل وقاله ياك لاحر لاشر ياك
مانك امودر شي الباين عليك
امرهدنك السفر وخيالك شين..؟!
قاله الفقير والله ياوجة.الخير
نابيدي راجل علي باب الله وقاعد
ندهور بين هالنواجع بالك
انحصل شي ارعوه واللا شي
شغلانه نسترزق منها علي حالي
قاله شيخ.النجع تكرام ايش
رايك ترعالي ابلي واغلمي
وعندك علي كل سنة..راس من
الابل وخمس شواهي ونبنيلك عشه وتقعد
فيها الفقير قاله اموافق
المهم عدي يازمان وروح
يازمان راقد الريح هذا دار
منتوج سمح من هالراجل
الطيب وجاه وقاله ياسيدي
انريدك تقسملي حصتي من
رزقك انريد انبطل وانعاود
لهلي قسمو الرزق وروح
الراجل لهله وبعدهآ بااسنين
توفا شيخ.النجع واقعدة غير
البنت والولد والرزق
اطرطش وتمت هذيك الخير
والنياق في خبر كان
وماقعد عندهم غير ناقتين ايحملو
عليهن دبشهم وتمو يجولو بين
النواجع نين طاحو في نجع
عرب متريحه وماعند حالها سو
وشيخ.النجع راجل طيب وكريم
رحب بيهم وقاللهم تفظلو ابنو
عشتكم في طرف النجع
والشيخ هذا هو نفسه الرعي
اللي كان يرعا عندهم زمان
البنت اعرفت الراجل بس هو
ماعرفهمش لانهم كابرين
ومتغيرين ؟! المهم بنو العشه
في طرف النجع فوق من ريح
بيت الشيخ وعدا العيل قعد
يرعا مع الرعويه
والبنت اجبدت الرحا في هذك
الليل واقعدت اتهاجي وكان
الجو امسكت وفيه نسمة ريح
بسيطه تهاجي وتقول !
{الايام كيف اول شهر...
قمره وظلمه عقابه..العن بوه
من يظمن الدهر...بعد الانبيه
والصحابه...رعيانه في زمن قبل
معالمينه في عقابه }!؟
سمعها شيخ.النجع وجاها
يجري مسك الرحا من يدها
وقاللها الله يربحك عرفي علي
روحك راك شغلتيني بالكلام
قالتله أنا افلانه بنت فلان
اللي سعتآ رعيت عليه وحكتله
ع حالتهم وشن صار فيهم وكيف
مو علي هالحال
قاللها الليلة ليل والصباح رباح
اصبح الصبح وكلم الرعويه
جابو الرزق كله قدام بيت
الشيخ والتمت عرب النجع بما
فيهم البنت.والعيل خش
الشيخ في وسط الرزق
واقسمه اثنين وقاللهم هذا
لي وهذا لكم
وأنتي ياافلانه معد اتشظي
رحاه ولاخوك يرعا
دابيني حي!؟
وردلهم رزقهم وتمو حالتهم
سمحه كيف قبل كيف تالي
( دير الخير تالقاه)
خطرها ايام الدنيا دنيا
إرسال تعليق
(مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ)