القصيده للشاعر الحاج موسى قنفود وهي لا اجد لها وصف يليق بها في الحاظر الا ترهونة الابية

نجع اللي فالكبد أجراحـه .. شال أزاحـــه .. تّـم خلا خالي مطراحـه ..!!
نجع اللي مرمه للخايف ... واللي أيجئ رامي يلقاهم ..
يومن فيه الخيـل عكايف ..قداعـه ع اللي ناداهم
بناية للبيت الهايف .. عزامه ع الضيف ضناهم
وان جاورهم جار أيرايف .. والله ماايحمـل فرقـاهم
جابو مالزحلان وصايف .. رفعت شوف وصدق أنياهــم
قداعة للصف الزايف .. يكره بيعتهم واشراهـم
ماتحلقهم باب حسايف .. ع اللي مات نهار بلاهـم
وين مشيت ابقيت أنايف .. في دار اجواد فقدناهـم
خليت تمت غير سقايف .. بوقداحه .. يضوي في غيبت مصباحه ..!!